විද්‍යාත්මක දැනුම ගෙනෙන විදුජය විද්‍යා ඉ-සඟරාව ගැන
විදුජය ඉ-සඟරාව යනු ශ්‍රී ලාංකීය සිසු පරපුරට, ගුරුවරුන්ට, සහ විද්‍යාවට උනන්දු සියලු දෙනාට හෙළ බසින් විද්‍යාත්මක දැනුම සරල, ආකර්ෂණීය, සහ විනෝදාත්මක ආකාරයෙන් සමීප කිරීමේ අරමුණින් ආරම්භ කළ ශ්‍රී ලංකාවේ එකම මාර්ගගතව පමණක් පළ කෙරෙන විද්‍යා ඉ-සඟරාවයි. 2022 වසරේ සිට මෙම වෙබ් අඩවිය ආරම්භ කරනු ලැබූයේ තොරතුරු හා සන්නිවේදන තාක්ෂණය පිළිබඳ ගුරුවරයෙකු වන විද්‍යාවේදී උපාධිධාරී ලක්මිණ ජයමාල් මහතා විසිනි. ශ්‍රී ලංකාව තුළ හෙළ බසින් විද්‍යාත්මක දැනුම ලබා ගැනීමට ඇති සම්පත් සීමිත වූ පසුබිමක එම තත්ත්වයට පිළියමක් ලෙස, විදුජය නව දැනුම ගවේෂණයට උනන්දු ඕනෑම අයෙකුට විද්‍යා ලෝකය ගවේෂණය කිරීමට අවස්ථාව සලසයි.
ප්‍රධාන කර්තෘ
විදුජය ඉ-සඟරාව හරහා, හෙළ බසින් විද්‍යාත්මක දැනුම ප්‍රචලිත කිරීමේ අරමුණින්, ශ්‍රී ලංකාවේ සෑම නිවසකටම විද්‍යාව රැගෙන යාම අපගේ දැක්මයි. විද්‍යාව යනු පාසල් ගොඩනැගිල්ලකට පමණක් සීමා වූ විෂයක් නොව, එය ජීවිතයේ සෑම අංශයකම බලපාන බව පෙන්වා දීමට අපි බලාපොරොත්තු වෙමු. එසේම, ශ්‍රී ලාංකීය තරුණ පරපුරට විද්‍යාත්මක ගවේෂණ සහ නව නිපැයුම් සඳහා ආභාෂයක් ලබා දීමටත්, ඔවුන්ව ලෝක මට්ටමේ විද්‍යාඥයින් බවට පත් කිරීමට මඟ පෙන්වීමටත් අපේක්ෂා කරමු.
විදුජයේ මෙහෙවර වන්නේ ශ්‍රී ලාංකීය ශිෂ්‍ය ප්‍රජාවට, ගුරුවරුන්ට, සහ සියලුම වයස් කාණ්ඩවල පාඨකයන්ට විද්‍යාව පිළිබඳ උනන්දුවක් ඇති කිරීම, ඔවුන්ගේ විද්‍යාත්මක දැනුම වර්ධනය කිරීම, සහ එදිනෙදා ජීවිතයට විද්‍යාවේ යෙදවුම් ගැන අවබෝධයක් ලබා දීමයි. ඒ සඳහා අපි ලෝකයේ සහ ශ්‍රී ලංකාවේ නවතම විද්‍යා පුවත්, පර්යේෂණ තොරතුරු, සහ කාලීන විශේෂාංග හෙළ බසින් ඉදිරිපත් කිරීම සහ විද්‍යාව යනු සංකීර්ණ විෂයක් නොව, එය රසවත්, ආකර්ෂණීය, සහ ජීවිතයට බලපාන විෂයක් බව පාඨකයන්ට ඒත්තු ගැන්වීමයි.
විදුජය ඉ-සඟරාව ආරම්භ කිරීමට ප්‍රධානතම හේතුව වූයේ ශ්‍රී ලාංකීය පාසල් සිසුන්ට සහ වැඩිහිටියන්ට ඔවුන්ගේ මව් බසින් විද්‍යාත්මක දැනුම ලබා ගැනීමට ඇති අවස්ථාවන්හි හිඟකමයි. ලක්මිණ ජයමාල් මහතා, තම ගුරුවෘත්තිය තුළ දී දුටු විවිධ ගැටලු හඳුනාගනිමින්, හෙළ බසින් විද්‍යාව ඉගැන්වීමේ නව්‍ය ක්‍රමයක් ලෙස මාර්ගගත ඉ-සඟරාවක් ආරම්භ කිරීමට තීරණය කළේය. 2022 දී ආරම්භ වූ මෙම විද්‍යා ඉ-සඟරාව, කෙටි කාලයකින් ශ්‍රී ලාංකීය පාඨකයන් අතර ජනප්‍රියත්වයට පත්ව ඇත.
අපගේ කණ්ඩායම
අපගේ අන්තර්ගතය
විදුජය ඉ-සඟරාව තුළ ඔබට හමුවනු ඇත්තේ:
- විද්‍යා පුවත්: ලෝකයේ සහ ශ්‍රී ලංකාවේ සිදුවන නවතම විද්‍යාත්මක සොයාගැනීම්, තාක්ෂණික දියුණුව, සහ විද්‍යාත්මක සිදුවීම්.
- පර්යේෂණ තොරතුරු: ලොව පුරා සිදුවන විද්‍යාත්මක ගවේෂණවලින් තෝරාගත් තොරතුරු, සරල හා පැහැදිලි බසින් ඉදිරිපත් කර ඇත.
- විශේෂාංග ලිපි: භෞතික විද්‍යාව, රසායන විද්‍යාව, ජීව විද්‍යාව, තාරකා විද්‍යාව, පරිසර විද්‍යාව ඇතුළු විවිධ ක්ෂේත්‍ර ගැන ගැඹුරින් හදාරන, ආකර්ෂණීය ලිපි.
- විනෝදාත්මක දැනුම: විද්‍යාව පිළිබඳ රසවත් කරුණු, ප්‍රහේලිකා, තරඟ, සහ අන්තර්ක්‍රියාකාරී ක්‍රියාකාරකම්, ඉගෙනුම විනෝදජනක කිරීමට.
- විද්‍යාඥයින් සහ චරිත: විද්‍යාත්මක දායකත්වයන් සහ විද්‍යාඥයින්ගේ ජීවිත කථා ගැන ලිපි, තරුණ පරපුරට ආභාෂයක් ලබා දීමට.
විදුජය ඉ-සඟරාව ඔබේ විවේක කාලය අර්ථවත්ව ගත කිරීමටත්, විද්‍යාත්මක දැනුමෙන් පෝෂණය වීමටත් ආරාධනා කරයි. ඔබ සිසුවෙක්, ගුරුවරයෙක්, දෙමව්පියෙක්, හෝ විද්‍යාවට උනන්දු ඕනෑම අයෙක් වුවත්, විදුජය ඔබට විද්‍යාවේ ලෝකය ගවේෂණය කිරීමට දොරටුවක් වනු ඇත. අපගේ ලිපි කියවා, ඔබේ අදහස්, යෝජනා, සහ අත්දැකීම් බෙදාගෙන, විදුජය ප්‍රජාවේ කොටසක් වන්න. ඔබේ සහභාගීත්වය මෙම ගමන වඩාත් ප්‍රබෝධමත් කරනු ඇත.
